[2024] हिंगलिश ब्लॉग कैसे शुरू करें? | Hinglish Me Blogging Kyu Karein? |

Hindi ( हिंदी ) humare bharat desh ki rashtra Bhasa hai. Ye Bharat ke alawa bhi kai aur jagho par boli jaane waali popular languages me se ke hai. Ish post me hum yahi baat karne waale hai ki Hinglish Me Blogging Kyu karein?

Agar aap ek Blogger hain to aapko ye post jarur padhna chahiye.

Aap jaante hain jaise jaise humare desh ne digitalization ki traf badha humare yanha Hinglish ne ek bada rup khada kar liya. Mujhe yaad hai ek jab aap 15 saal pehle ki internet world ki baat karein to internet par News se lekar blogs lagbhag sabhi English me they.

Ya hum ye keh sakte hain ki aapko lagbhag sabhi results English me hi dikhyae jaate they. Par badlte samay ke saath logon ne Hindi aur Hinglish me likhna shuru kiya aur aaj uska natija hum internet par dekh rahe hain ki hume kai sare articles Hindi aur Hinglish me mil jaate hain. To aaiye jante hain Hinglish Me Blogging Kyu karein?

Hinglish Kya hai?

Hinglish, jo Hindi aur English ka mishran hai, Indian internet users ke beech tezi se popular ho raha hai. Yeh bhasha ka ek unique roop hai jisme Hindi ke shabdon aur vaakyion ko English mein likha jata hai. Jaisa ki aap jante hain ki Hindi bhasha ki lipi hai wo devnagri hai aur Hinglish ki lipi roman hai.

Kehne ka matlab Hinglish Hindi aur English ke mishran se bani ek bhasha hai. Jaisa ki aap Hindi me likhate hain आप कैसे हैं? Jo ki devnagri lipi me hain Yahi aap hinglish me likhte hain “Aap kaise hain?”

Hinglish Mein Blogging Kyun Karein?

Agar aap soch rahe hain ki Hinglish mein blogging kyun karni chahiye, toh aayiye is par ek detailed nazar daalte hain.

1. Vyaapak Darshak Varg Tak Pahunch

Bharat mein internet users ki sankhya tezi se badh rahi hai, aur inme se ek bada hissa un logon ka hai jo Hindi aur English dono bolte aur samajhte hain. Hinglish mein blogging karne se aap un laakhon users tak pahunch sakte hain jo Hinglish mein content padhna pasand karte hain. Yeh khaas tor par un logon ke liye faaydaymand hai jo poori tarah se English mein sahemi nahi hain, lekin Hindi aur English ka mishran samajh sakte hain.

2. Bhavnathmak Judav Aur Sarlta

Hinglish mein likhne se readers ke saath ek bhavnathmak judav banta hai. Yeh bhasha aam bolchal ki bhasha ke adhik nikat hoti hai, jisse readers khud ko adhik juda hua mehsoos karte hain. Iske alawa, Hinglish mein blog likhna saral aur swabhavik hota hai, kyunki yeh rozmarra ki bhasha ko darshata hai.

3. SEO Aur Traffic Badhane Ke Avsar

Hinglish mein likhe gaye blog posts Google aur anya search engines mein uchch rank kar sakte hain, kyunki adhiktar Bharatiya users Hinglish mein search karte hain. Udaharan ke liye, koi user “best smartphone under 10000” ki jagah “10,000 ke neeche best smartphone” type kar sakta hai. Aise mein Hinglish mein blogging se aapke blog par organic traffic badh sakta hai.

4. Samagri Ka Vaividhya

Hinglish mein blogging se aapki samagri mein vaividhya aata hai. Yeh aapko vibhinn vishayon par aasani se likhne ki swatantrata deta hai, chaahe woh technology, yatra, khana, fashion, ya koi anya vishay ho. Yeh vaividhya aapke blog ko adhik akarshak aur rochak banata hai.

5. Sthaniya Brands Aur Vignyapan Daaton Ka Samarthan

Kai sthaniya brands aur advertisers Hinglish mein prachaar karne ke ichchhuk hote hain, kyunki yeh bhasha unke lakshit bazaar ke adhik nikat hoti hai. Hinglish mein blogging se aapko aise brands ke saath sahyog karne ke adhik avsar mil sakte hain, jisse aapki aay mein vriddhi ho sakti hai.

6. Badhati Lokpriyata Aur Trend

Hinglish ki lokpriyata badh rahi hai, khaaskar yuvaon ke beech. Social media platforms, jaise Facebook, Instagram, aur Twitter par Hinglish ka vyaapak upyog ho raha hai. Is trend ka hissa ban kar aap apne blog ko trendy aur up-to-date rakh sakte hain, jo adhik readers ko akarshit kar sakta hai.

India Me Hinglish ka Future:

Bharat humara ek aisa desh hai jisne humesha latest trends ko apnaya hai chahe wo Technology ho, Fashion ho, Ya fir language ho. Jaise ki aapko pata hoga bharat me sabse pehle boli jaane wali bhasha Sanskrit thi, fir hindi aaie, Muglon ke shashan ke dauraan urdu bhi yanha aaie aur Angrejo ke wajah se English bhi ish desh me chali. Lekin aaj social trend me hinglish bhi popular ho raha hai.

India Me Agar Bollywood ki baat karein to ye kai time se hinglish ka use kar rahe hain. Aapne films ke poster dekhe honge jisme Hindi ya hinglish me hi advertisement kiya jaata hai. Jaise ki

• हम दिल चुके सनम – Hum Dil chuke sanam
• दोस्ती – Dosti
• शोले – Sholay

To thoda bahut hinglish ka use humne films ke poster par dekhte aa rahe hain.

Ab Agar Baat karein Advertisement ki to apne yanha hinglish ka bahut vyapak prayog hua hai. Aap jo TV ke upar advertisement dekhte hain usme bhi hinglish ka use lagbhag sabhi brands kar rahe hain.

Yanha Kuch videshi brands ki list hai jo ki advertisement me apne brands ka tagline hinglish me rakhte hain aap ne bhi dekha hoga.

Videshi Ya Bade Brands Ka Hinglish Me Advertisement

• Hungry Kya (Are you Hungry?) – Domino’s Pizza
• Yeh Dil maange more (The heart wants more) – Pepsi
• Pal banaye magical (Make every moment magical) – Lays
• Life ho to aisi (Life should be life this) – Coca Cola
• What your bahana is? (What’s your excuse eating McDonalds instead of home-cooking?) – McDonalds
• Hum mein hai hero (There’s a hero in everyone) – Hero Motocorp
• Kya aap Close Up karte hain? (Do you use Close-Up toothpaste?) – Close-Up
• Come on girls, waqt hai shine karne ka! (Come on girls, it’s time to shine!) – Sunsilk

To kehne ka matlab india me aapko apna product bechna hai ya Brand ko popular karna hai to Hinglish ka sahara lena hi padega. Jaisa ki ek tagline bahut famous hua tha. “Aur Kya Chal Raha hai- Aaj kal To Fogg Chal Raha hai- FOGG Perfume.

Hinglish Me Blogging Kyu Karein?

Bahut time se Bloggers ke bich ye confusion hai ki Hinglish me Blogging karein ya hindi me. Agar mujhse ye baat pucha jaye to main ye kahunga ki ye aapki ruchi par nirbhar karta hai. Hinglish ek Unofficial language hai.

Lekin Hindi ke samriddh bhasha hai. Aap jish language me chahein usme blogging kar sakte hain. Abhi aapne dekha hoga ki google bhi apne search results Hindi me dikhata hai.

Maine Hinglish Me Blogging Kyu chuni?

#1 Reason- English Me Achi Pakad na Hona:-

Sach bataun to mera haath English me thoda tang hai. Maine shuruaat me yahi kosis ki thi ki English me hi blogging karun. Lekin English par 100% pakad na hone ki wajah se main kai baar dusre blogs se article copy kar leta tha. Jo ki galat tha.

Fir maine socha ki aise copy paste kar ek successful blog nahi banaya jaa sakta hai. Fir maine apne blogs ke Hinglish ko chuna.To kehne ka matlab aap jisme comfortable hokar likh sakte hain usi language me blogging karein. Hinglish me mujhe ye darn ahi lagta ki maine koi sentence Grammatically wrong likha hai ya kisi word ki spelling wrong likhi hai.

#2. Reason- Hindi Me Likhna Mushkil Hai:-

Bahut logon ne Mujhse ye bhi pucha ki aap hindi ko bhi blogging ke liye chun sakte they. Bilkul hindi ek bahut acchi bhasa aur jo hindi me blogging karte hain unko main dil se dhanayawaad deta hun, Kyunki hindi me likhna thoda mushkil hai. Hinglish ki apeksha hindi me adhik time lagta hai.

Saath hi hindi me likhte waqt aapko apni bhasha ki sudhta k abhi khyaal rakhna padta hai. Kuch aise bhi shabd hai jinka hindi anuwaad thoda mushkil ho jaata hai aur samay bhi adhik lagta hai isliye bhi maine Hinglish ko chuna.

#3.Reason- SEO Ke Liye Hinglish Best hai :- Nahi main aapko ye nahi keh raha ki hindi blog ka aap seo nahi kar sakte hain. Bilkul kar sakte hain. Par yanha ek chhoti samsya ye hai ki hindi me bahut kam log search karte hain.

Mostly users English ya Hinglish me search karte hain. Ab jaise main Example de raha hun. Mujhe Google Pixel Phone ke Features ke baare me search karna hai.

English Search: What is The Features Of Google Pixel Phone
Hinglish Search: Google Pixel Phone ke Features Kya hain?
Hindi Search:- गूगल पिक्सएल फ़ोन में क्या फिचेर्स हैं?

Ab aap hi decide kijiye aap me se kitne users hindi keyword ke saath Google me search karte hain. Waise English ya Hinglish keyword ke saath bhi hindi results show hotey hain lekin kam hotey hain. Hindi me Keywords ko target karne ke liye post ke bich me English Keywords use karne hi hotey hi hain.

Saath hi hinglish me aap easily seo karte hain aur keyword bhi target kar sakte hain. Waise Google ke alawa other Search engine bhi Hinglish ko hindi jaise hi treat karte hain. Isliye Hindi ya Hinglish Search me bhi results lagbhag aapko same hi milte hain.

#4. Reason- Hinglish Audience ka badhna
Ye main apne personal level ke experience pe keh sakta hun ki hinglish ke audience badh rahe hain aur log isey pasand kar rahe hain. Main Ek Telecom Engineer hun to india ke different place pe main apne Telecom projects ko pura karne ke liye gaya hun.

Janha ek baat mujhe samjh aaie ki apne country me Hindi font ko padhne me logon ko mushkil hoti hai. Wo Hinglish to padh lete hain par hindi padhne me unhe pareshani aati hai. Main Bengal ya north east ke kuch jaghon par gaya janha log hindi samjh to lete hain par bol nahi paate acche se ya likh nahi pate hain. Aise audience bhi Hinglish ke saath connect ho sakte hai.

#5.Reason- Google Supports Hinglish
Google Hinglish ko support karta hai, Filhal isme koi shak nahi hai. Google Adsense Jin languages ko support karta hai usme Hinglish ka naam nahi hai. Lekin adsense Hinglish ko bhi support karta hai. Aapko darne ki jarurat nahi hai kyunki hinglish ka user base bhi bahut bada hai to hinglish ko google ban kar dega iske chances naa ke barabar hain.

Agar aisa hi hota to Google ka keyboard “G Board” multiple languages ko support karta hai aur usi language me ek naam Hinglish ka bhi hai.

Nishkarsh

Hinglish mein blogging karna ek smart aur prabhavi tareeka hai Bharatiya darshakon tak pahunchne ka. Yeh na sirf aapke readers ke saath ek gahra judav banata hai, balki SEO, traffic, aur brand sahyog ke drishtikon se bhi faaydaymand hai. Isliye, agar aap ek blogger hain aur ab tak Hinglish mein blogging nahi kar rahe hain, toh ab samay aa gaya hai ki aap is disha mein kadam badhayein aur apne blog ko naye unchayiyon par le jayein.

Hinglish bhi blogging ke liye best hai aur future bhi accha hai. Haan hinglish me likhte waqt aapko kuch words ka khayal rakhna chahiye. Kyunki baar words ke ulte matlab naikal aate hain. Ye aapko choose karna hai aapke liye kaun sa language sahi hai. Aur kish language me aap comfortable hain.

Mujhe ummid hai aap ye samjh gaye honge maine Hinglish me blogging maine kyu ki aur kyun aap bhi hinglish ko apne blogging ke liye choose kar sakte hain.